सदगुरु श्री स्वामी माऊलींनी श्री दत्तावधूत पादुकांची स्थापना केली. या पादुका विशेष कृष्ण शिळेमध्ये कोरल्या गेल्या. विश्वातील श्री दत्तगुरूंच्या या प्रथम पादुका आहेत ज्या शिवलिंगाच्या रूपात आहेत. हे शिवलिंग बावन्न कमळाच्या दलात असून. प्रत्येक दलावर बीज मंत्र कोरलेले आहेत. बावन्न बीजमंत्र या कमळदलावर कोरलेले आहेत. शिवलिंगाच्या मध्यभागी श्री दत्तमहाराजांच्या नऊ इंचाच्या खडावा कोरलेल्या आहेत. त्या खडावांवर सुदर्शन, शंख कोरलेले आहेत. या पादुकांची रचना सदगुरु माऊलींनी विशेष पद्धतीने केली आहे. श्री दत्तावधूत पादुकांवर महादत्ताभिषेक केले जातात. त्यातून त्रिविध ताप, कालसर्प दोष, पितृ दोष, सर्वप्रकारचे दोष, सर्व प्रकारचे शाप, भोग, दुःख, दारिद्र्य, क्लेश, पिडा, जारण मारण उच्चाटनासारखे प्रयोग, ग्रह पिडा, ब्रह्मराक्षस दोष, वास्तू दोष असे अनेक प्रकारच्या त्रासातून मुक्तता होते. जे भक्त महादत्ताभिषेक करतात त्यांच्या मनोकामना पूर्ण होतात. सदगुरु श्री स्वामी माऊलींनी या पादुकांवर श्रद्धेने भक्तीने जे महादत्ताभिषेक करतील त्यांना श्री दत्तगुरूंचे आशीर्वचन कवच लाभेल असे वचन दिले असून त्याचा प्रत्यय हजारो भक्तांना येत आहे. श्री दत्तावधूत पादुकांच्या दर्शन घेऊन लाखो भक्त धन्य झालेत, त्यांना श्री दत्तगुरुंचा प्रत्यय येतो.