सदगुरु श्री शरदचंद्र स्वामी महाराज

                   स्वामींना सिद्धी प्राप्त झाली होती. ते दर गुरुवारी उपोषण करत असत. श्रावणाच्या पहिल्या गुरुवारपासून स्वामी 21 दिवसांचे मौनव्रत पाळत असत. मुंबईत असताना 1959 पासूनच हे मौनव्रत पाळत. हे मौनव्रत तेथे 7 दिवसांचे असे. रत्नागिरी – शिरगावात आल्यावर ते त्यांनी 21 दिवस पाळणे सुरु केले. 22 व्या दिवशी मौनव्रताचा सांगता उत्सव साजरा केला जात असे. या समाप्तीला येणाऱ्या सर्वांना महाप्रसाद घेतल्याशिवाय जावू न देण्यावर ते स्वतः कटाक्ष ठेवून असत. तसेच दत्तजयंती, श्री नृसिंह सरस्वती जयंती (पौष शुद्ध द्वितीया) व गुरूपौर्णिमा हेही उत्सव मोठ्या आनंदाने साजरे होत असत. स्वामींना तीन पुत्र आहेत. संतसाधुत्वाचा कोणताही डामडौल नसलेली भगव्या वस्त्रातील शरदचंद्रस्वामींची आकृती केव्हाही सामान्य माणसाप्रमाणे रस्त्यातून चालताना दिसे. त्यांची सतत वदनमूर्ती बघणा-या व्यक्तीच्या मनातही उत्साह व आनंद निर्माण करे. रोज त्यांच्याकडे सकाळी 6.00 आणि सायंकाळी अशी दोन वेळा आरती होत असे व दुपारी 11.30 वाजता नैवेद्याचा गजर केला जात असे. असा दिनक्रम असे.